ЖИТС-тің алдын алу және оған қарсы күрес жөніндегі орталық қызметкерлерімен АЭС салу бойынша түсіндіру жұмыстары жүргізіліп, атом электр станциясының елдің энергетикалық қажеттіліктерін қамтамасыз етудегі рөлі, сондай-ақ оның экологияға және денсаулыққа ықтимал әсері туралы маңызды мәліметтер талқыланды. Мұндай кездесулер қызметкерлердің пікірін ескеруге және қоғамды толғандыратын мәселелер бойынша ақпарат алуға мүмкіндік береді.

Антына адал ақ халатты - абзал жан

          Қысмұратова  Гауһар Тоқтасынқызы Шымкент қаласының денсаулық сақтау жүйесін дамытуға елеулі үлесін  қосып келе жатқан  білікті маман.  Гауһар Тоқтасынқызы Шымкент қаласының  ЖИТС-тің алдын алу және оған қарсы күрес жөніндегі орталығының зертхана бөлімінде 2003 жылдан бері белсенді қызмет етіп келеді.  2009 жылдан бастап зертхана бөлімінің меңгерушісі қызметін атқаруда.  Қызмет еткен жылдары білікті маман, 2006-2007 жылдары АИТВ індетін жұқтырған балалардың ошағында жұмыс істеп, індетті жұқтырған балаларды, аяғы ауыр аналарды анықтауға белсенді ат салысқан, ПТР зертхананың толыққанды жұмыс істеуіне ықпал еткен.

         2009-2014 жылдары зертхананы «Клиникалық және зертханалық стандарттар институтының» (CLSI, АҚШ) бағалау сапарына дайындап, нәтижесінде 2014 жылы аталмыш институттың қызметкерлері ЖИТС орталығының зертхана жұмысына ең жоғарғы 240 ұпай  берген.

       Гауһар Тоқтасынқызы  2017 жылдан АИТВ-ны анықтауға арналған жылдам тест жұмысын бағалау үшін «кептірілген түтік үлгісін» (Высушенный пробирочный образец ВПО) Республика бойынша енгізуге, 2020-2022 жылдары COVID-19 вирусын ПТР әдісімен анықтауға ат салысқан. Білікті маман кәсіби біліктілігін арттыру мақсатында ТМД елдерінен басқа Турция, Италия, Германия, Корея мемлекеттерінде тәжірбие алмасқан. 

      Соңғы жылдары Зертхананы автоматтандыру, жаңа инновациялық технологияларды енгізу, жұмыс сапасын жақсарту,  мамандардың біліктілігін арттыру мақсатында ЖИТС орталығының зертханасына жаңа технологиялық анализаторлар енгізілді.  2020 жылы зертхана Ұлттық аккредитация орталығының СТ РК ISO15189-2015 аккредитациясын алды.

          Қысмұратова  Гауһар Тоқтасынқызы  ерен еңбегі үшін бірнеше рет  жоғары тұрған ұйымдардан алғыс хаттар мен құрмет грамоталарын алған.   2016 жылы «Қазақстан Республикасы Денсаулық сақтау ісінің үздігі» төс белгісімен марапатталды.

 Автор: Ахмедова Э. Шымкент қаласы ЖИТС орталығының маманы     

ЖИТС орталығында иммунитет жағдайын анықтайтын жаңа анализатор іске қосылды

      Шымкент қаласы ЖИТС орталығының диагностикалық зертханасында, «LabTech-Qaz» ЖШС демеушілігімен, қандағы жасушалар санын анықтайтын, Beckman Coulter (АҚШ) фирмасы шығарған жаңа, жоғары технологиялық DxFLEX ағынды цитометрі іске қосылды.

       Жаңа цитометр жұмыс барысында жасушаларды зерттейтін флуоресцентті ағынды цитометрия әдісін пайдаланады. Сынақ нәтижелеріне адам факторларының әсерін азайту мақсатында, DxFLEX цитометрі автоматты үлгі жүктеушімен жабдықталған. Жаңа цитометрдің өнімділігі - 23 минутта 32 түтікті қамтуы,  яғни  зерттеу нәтижелерін жылдам алуды қамтамасыз етеді. Леви-Дженнингс графиктерін пайдалану жолымен құралдың параметрлеріне ішкі зертханалық бақылау жүргізіледі.

      Шымкент қаласының  ЖИТС орталығында 1853 науқас диспансерлік есепте тұр.  Науқас жағдайының ауырлығы, қосалқы аурулардың болуы және антиретровирустық терапияны қолдануы ескеріле отырып, зертханалық бақылаулар жүргізіледі. Жаңа анализатордың көмегімен алынған зерттеу нәтижелері, дәрігерге пациенттің иммундық жағдайы туралы толық клиникалық ақпарат алуға және қажет болған жағдайда, емдеу шараларына уақтылы өзгерістер енгізуге мүмкіндік береді.

      Зертхана жұмысында жаңа заманауи зерттеу әдістерін енгізу клиникалық диагностиканы жақсартуға және емдеу тиімділігін арттыруға мүмкіндік береді. DxFLEX цитометрін, тек АИТВ-мен ауыратын науқастарда ғана емес, сонымен қатар басқа иммун тапшылығы жағдайлары, аутоиммунды, аллергиялық патологиялар, онкологиялық аурулар диагностикасында қолдануға болады.

 Байсалбаева Ж.М. ЖИТС орталығының зертхана маманы

«АИТВ-инфекциясын жастар арасында алдын алу» тақырыбында кездесу өтті.
2024 жылдың 12 қыркүйек күні «АИТВ-инфекциясын жастар арасында алдын алу» тақырыбында, Түркістан Индустриалды-құрылыс колледжі студенттерімен ЖИТС-тің алдын алу және оған қарсы күрес жөніндегі орталық маманы Н.Жургенбаеваның қатысуымен тренинг өткізді.
Іс-шара барысында АИТВ-ның таралу жолдары мен сақтану шаралары жайлы кеңінен мағұлмат айтылып, студенттер тарапынан қойылған сұрақтарға жауап берілді. АИТВ-ның таралу жолдары мен сақтану шаралары жайлы кеңінен мағұлмат алып, студенттер интерактивті ойындарға қатысып, ситуациялық сұрақтарға жауап берді. АИТВ-мен өмір сүретін адамдарды ауруына байланысты «таңба басу» және қоғамнан аластатуды алдын алу жөнінде түсіндіру жұмыстары жүргізілді.
👩💼Мақаланың авторы: ЖИТС орталығының маманы Н.Жургенбаева

М.Горький атындағы N°12 жалпы орта білім беретін мектебінде дәріс өтті.
✅10.09.2024 ж. Шымкент қаласының ДСБ «ЖИТС-тің алдын алу және оған қарсы күрес жөніндегі орталық» МКҚК-нің ұйымдастыруымен, «АИТВ-инфекциясын жастар арасында алдын алу» тақырыбында, М.Горький атындағы N°12 жалпы орта білім беретін мектебінің жоғары сынып оқушыларымен кездесу өтті.
👩🏻‍🏫Маман жастарға АИТВ-жұқпасы және ЖИТС жайлы негізгі ақпарат беріп, оның жұғу жолдарын, алдын-алу амалдарын, онымен байланысты стереотиптер жайлы, АИТВ-мен өмір сүретін адамдарды ауруына байланысты «таңба басу» және қоғамнан аластатуды алдын алу жөнінде түсіндіру жұмыстарын жүргізді.
📑Мақаланың авторы: ЖИТС орталығының маманы Н.Жургенбаева